Работилница

     За да ја заокружиме нашата тримесечна иницијатива за подигнување на свеста околу кариерното насочување  и колку е истото неопходно, ние организиравме работилница од информативен но и друштвен карактер!
На оваа работилница беа присутни дваесетина учесници, нашиот ментор, неколку членови од тимот како и психолог.

   Целта на овој настан беше да ги поттикнеме нашите учесници да се осознаат себеси, своите квалитети и сопствениот карактер како и оние занимања кои најмногу би им одговарале.



 Нашиот психолог Јасмина Јонуз преку квиз и анализа на добиените резултати ги запозна младите со позитивниот исход од тоа да се познаваат себеси за да знаат што е најдобро за нив во иднина.










Оваа прилика ја искористивме за да ги презентираме и резултатите од спроведената анкета анализирајки ги сите прашања како и неколку интересни податоци на кои наидовме за време на обработката на  податоците.









Учесниците беа исто така поделени во две групи и им беше дадена задача при која беа увидени разликите помеѓу сите присутни докажувајќи дека секоја индивидуа е различна на свој начин и корисна на свој начин за општеството.

   Фидбекот кој го добивме беше позитивен и премногу мотивирачки за да продолжиме понатаму со овој проект, а и ние како тим се надеваме дека стекнатата дружба ќе продолжи и надвор од просториите на инфо клубот.

-Тим за кариерно насочување